БАКИРОВ Насипбек

БАКИРОВ Насипбек (07.09. 1936, Чүй облусу, Москва району, Ак-Башат кыштагы – 28.11. 2003, Бишкек) – география илимдеринин кандидаты (1974), профессор (2002). 1958-жылы КМУнун география факультетин бүткөн. 1958–1963-жылдарда мектепте мугалим, 1967-жылдан КМУнун география факультетинин окутуучусу, 1984-жылдан кафедра башчысы, профессору болуп эмгектенген. Бакиров – экономикалык жана социалдык география боюнча адис, 150дөн ашуун илимий жана методикалык эмгектердин, анын ичинде 4 монографиянын, 4 окуу китебинин автору. «Кыргыз Республикасынын географиясы» окуу китеби үчүн (авторлош) КРдин илим жана техника боюнча мамлекеттик сыйлыгына татыктуу болгон (2000).
Эмг.: Чүй өрөөнү. Ф., 1995; Дүйнөнүн экономикалык жана социалдык географиясы. Ф., 1999.