БАНТЕНГ

БАНТЕ́НГ (Bos javanicus) – ача туяктуулар тукумундагы жапайы уй. Тулкусунун узундугу 2 м, бийиктиги 1 м, өӊү күрөӊ, мүйүзү 40–50 см. Жаш Бантенгдин мүйүзү тайтагай, чоӊунуку ич жагына ийрейип, кайкайыӊкы келет. Анын жапайысы Малакка, Индикытай жарым аралында жана Малайя архипелагында кездешет. Ал түз жерлерде жана токойлуу тоолордо (деӊиз деӊгээлинен 2000 м бийиктикке чейинки) жашайт. Саны азаюуда, ТКЭСтин кызыл китебине катталган. Бакмасы Бали малы деп аталып, эти үчүн гана багылат.