БАРОГРАФ

БАРО́ГРАФ (гр. bбros – оордук, басым, grбph – жазам) – атмосферадагы аба басымын үзгүлтүксүз өзү жазып туруучу прибор. Метеорологиялык станцияларда жана басымдын өзгөрүшү боюнча аныкталуучу бийиктикти үзгүлтүксүз жазуу үчүн самолёттор менен аэростаттарда пайдаланылат. Кабыл алуучу бөлүгүнүн иштөө принциптери боюнча Барограф анероиддик жана сымаптык болуп бөлүнөт. Практикада көбүнчө анероиддик Барограф пайдаланылат. Анын кабыл алуучу бөлүгү мамычага бириктирилген бир нече анероиддик кутучадан турат, к. Анероид.