БАТКЕН МАМЛЕКЕТТИК УНИВЕРСИТЕТИ

БАТКЕН МАМЛЕКЕТТИК УНИВЕРСИТЕТИ – Кыргызстандагы жогорку окуу жайы. Баткен шаарында 2002-жылы уюшулган. 42 адистик боюнча 24 факультет бар, анын ичинен педагог, инженер-технолог, экономист, юрист, энергетик, механик, айыл чарба ж. б. адистери даярдалат. Окуу мөөнөтү 5 жыл. Окутуу негизинен кыргыз, өзбек, тажик, орус жана англис тилинде жүргүзүлөт. Баткен облусунун географиялык абалына байланыштуу университеттин структуралык бөлүмдөрү: Кызыл-Кыя шаарындагы Кызыл-Кыя гуманитардык педагогикалык институту, Кызыл-Кыя технология жана экономика институту, Сүлүктү шаарындагы Сүлүктү гуманитардык-экономика институту, Сүлүктү педагогикалык окуу жайы жайгашкан. Учурда университет илим жана техниканын өнүгүүсүнө карай атайын экономикалык, техникалык, гуманитардык, экологиялык багыттагы ар кандай темалардын негизинде илимий-изилдөө иштерин жүргүзөт.