БАШКАРУУЧУ МАШИНА

БАШКАРУУЧУ МАШИ́НА – татаал объекттер же өз ара байланышкан объект тобун автоматтык эсептегич механизм. Аны колдонуу менен башкарылуучу объектинин кадимкидей жана өндүрүмдүү иштешине жетишүүгө, жогорку сапаттагы продукция алууга, сырьё же электр энергиясын үнөмдөөгө болот. Башкаруучу машина үзгүлтүксүз, дискреттүү аракеттеги жана айкалышкан типтеги машина болуп бөлүнөт. Ү з г ү л т ү к с ү з аракеттеги машина операциялары үзгүлтүксүз өзгөрүп туруучу чоӊдуктар (электр чыӊалуусу, кыйшаюу бурчу ж. б.) жана д и с к р е т т ү ү машинанын иши сан түрүндө берилген чоӊдуктар менен аткарылат. А й к а л ы ш к а н типтеги машиналар үзгүлтүксүз жана дискреттүү машиналардан турат. Ал электр энергетикасында, металлургияда, нефть жана химия өнөр жайында өндүрүштүк процесстерди автоматтык башкаруу үчүн колдонулат.