БЕШ-КҮНГӨЙ
(БЕШКҮНГӨЙ барагынан багытталды)
БЕШ-КҮНГӨЙ – Чүй облусунун Аламүдүн районундагы кыштак. Таш-Мойнок айыл өкмөтүнө караштуу. Аламүдүн суусунун оң жээгиндеги тектирде, деңиз деңгээлинен 1080 м бийиктикте жайгашкан. Райондун борбору Лебединовка кыштагынан 15 км түштүк-батыш тарапта. Бишкек темир жол бекетинен 13 км. Айылдын түндүгүндө суу сактагыч курулган. Кыштак 1898-жылы негизделген. Калкы 3880 (2022); негизинен багбанчылыкта ж-а дыйканчылыкта эмгектенишет. Орто мектеп, клуб, китепкана, ФАП, ашкана, турмуш тиричилик комбинатынын бөлүмдөрү бар.