БИЛИМ БЕРҮҮ ЖӨНҮНДӨ МЫЙЗАМ

БИЛИМ БЕРҮҮ ЖӨНҮНДӨ МЫЙЗАМ – билим берүү тармагын уюштуруунун, башкаруунун ж-а анын иштөөсүнүн негизги принциптерин белгилөөчү, аларды ишке ашыруунун укуктук базасы катары кызмат өтөөчү укуктук акт. КРдин «Билим берүү жөнүндө» мыйзамы 1992-жылы кабыл алынган. 1997-жылы ага өзгөртүүлөр ж-а толуктоолор киргизилген. 2004-жылы КРдин «Билим берүү жөнүндө» жаңы мыйзамы кабыл алынган.