БИОГЕОХИМИЯ

БИОГЕОХИ́МИЯ – геохимиянын бир бөлүгү. Биогеохимия организмдин химиялык курамын ж-а химиялык элемент­тердин жер бетине таралышына ж-а топтолуу­суна тирүү заттардын катышын изилдейт. Орга­низмдер жашоо тиричилигинде түрлүү химиялык эле­менттерди өзүнө сиңирет, кийин алар ажырап, бөлүнүп чыгат да, бир жерге чогулат же чачы­рап кетет. Биогеохимия процесстеринин өөрчүшүндө орга­низмдин көбөйүү ылдамдыгы чоң мааниге ээ. Бул өзгөчө жөнөкөй түзүлүштөгү өтө тез көбөйө турган организмдерге (бактериялар, козугарын­дар, балырлар) тиешелүү. Тирүү организмдин курамына бизге белгилүү химиялык элементтердин дээрлик баары ж-а алардын изотоптору кирет. Көбүнчө организмдердин тиги же бул түрү белги­лүү гана химиялык элементтерди өзүнө топтойт, башкача айтканда организмдин химмиялык курамы белгилүү бир түр үчүн мүнөздүү белги болуп саналат.

Ад.: Ковальский В. В. Геохимическая среда и жизнь. М., 1982.