БОЛЖУРОВА

БОЛЖУРОВА Ишенкүл Садыковна (22.12. 1951-жылы туулган, Ысык-Көл облусу, Түп району, Тасма айылы) – педагогика илимдеринин доктору (2006), тарых илимдеринин кандидаты (1978), профессор (1999). КРдин билимге эмгек сиӊирген кызматкери (1997),
II класстагы мамлекеттик кеӊешчи (2003). ММУнун аспирантурасын бүтүргөн (1976). КМУда окутуучу, Кыргыз ССР ИАнын тарых институтунда окумуштуу секретарь (1978–83), Партия тарыхы институтунда улук илимий кызматкер (1983–91), БГУда проректор (1992), ректор (1994–2002), КРдин билим жана маданият министри (2002–04), КРдин вице-премьер министри (2005), КУУнун ректору (2006), КМШ жана ЕврАзЭСтин чегинде интеграциялык кызматташтык маселелери боюнча КРдин Президентинин ыйгарым укуктуу өкүлү (2006), КРдин билим берүү ж-а илим министри (2007–2009). Беларуссиядагы Кыргызстандын элчиси (2009–2010), 2019-жылдан КР ТИМдин коомдук кеңешинин төрайымы. 100дөн ашык илимий иштери тарыхка, социологияга, педагогикага арналган. Даӊк медалы, Россиянын Дружба ордени, ЕврАзЭСтин алтын медалы м-н сыйланган.
Эмг.: Кыргыз ССР тарыхы. 1–4 т. (авторлош). Ф., 1990; БГУ – изденүүнүн жана өнүгүүнүн жолунда 20 жыл. Б., 1999; Не заблудиться в лабиринтах истории. Б., 2001; Образование в Кыргызстане: стратегия и реалии переходного периода. Б., 2005.