БУГАЗОВ

БУГАЗОВ Анвар Хусаинович (9. 9. 1958-жылы туулган, Фрунзе) – философия илимдеринин доктору (2000), профессор (2003). 1980-жылы Алматы шаарындагы Казак мамлекеттик университетин бүткөн. 1980–97-жылдары КМУда окутуучу, доцент, 1997–99-жылдары кафедра башчысы, философия факультетинин деканы. 2001-жылдан КУУнун профессору, эл аралык билим берүү программаларын интеграциялоо институтунун окуу жана илимий иштер боюнча директорунун орун басары. Илимий иштери коомдун ар түрдүү социалдык чөйрөлөрүндөгү социалдык-психологиялык факторлордун ролу жана алардын тарыхый өнүгүүсүнүн объективдүү жана субъективдүү шарттарынын карым-катнашынын орду, ошондой эле Кыргызстанда жарандык коомдун калыптанышындагы социалдык маданияттын аспектилерин изилдөөгө багытталган. 60тай илимий эмгектердин, анын ичинен 2 монографиянын автору.
Эмг.: Социально-психологические аспекты деятельности масс. Б., 1993.