БУРГУЛООЧУ СТАНОК
БУРГУЛООЧУ СТАНО́К – кендерди чалгындоодо, нефть, газ, жер астындагы сууларды изилдөөдө жана чыгарып алууда ж. б. максаттарда, диаметри жана тереӊдиги ар кандай көзөнөктөрдү жер кыртышында бургулоо үчүн колдонулган агрегат. Бургулоонун ыкмасына, тектердин физикалык-механикалык абалдарына, көзөнөктөрдүн тереӊдиктерине, конструктордук өзгөчөлүктөрүнө, коюлган максаттарга жараша пайдаланылган жекече же көп түйүндүү Бургулоочу станок колонкаларды айлантып бургулоочу, ургулап, айланта-ургулап, термелте жана шнектүү бургулоочу машиналар (станоктор) деп айырмаланат. Текти көзөп талкалоочу аспабына жараша – шарошкачалар, бытыра, термобургулоо, пневмобургулоо ж. б. Бургулоочу станокторго да бөлүнөт. Дизель же электр түйүнү менен ишке кирип, автомашина же казтамандуу тракторлордо орундаштырылышы мүмкүн. Иштеген шарттарга жараша – жер үстүндө, жер астында, деӊиздерде (суу алдында) Бургулоочу станоктор деп бөлүнүп, салмагы 1000 кг чейинкилери жеӊил, кирешелүү – өзү көчүп жүрүүчү ж. б. көп түрдүү болот.
3 – машина бөлүмү; 4 – каз тамандуу жүрүү механизми;
5 – таяныч-буруу түзүлүшү; 6 – мамы; 7 – түркүк; 8 – гидроцилиндрлер;
9 – аутригерлер; 10 – айланма-күч берүү механизми.