ВАКУЛЕНКО

ВАКУЛЕНКО Валерий Яковлевич (23.10.1945-жылы туулган, Чүй облусу, Сокулук району, Фрунзе айылы) – адабиятчы, жазуучу, журналист, сынчы, филология илимдеринин доктору (1992), профессор (1993). 1971-жылы Ленинград университетинин филология факультетин бүтүргөн (1971). 1971–1976-жылдары «Кыргызстан» басмасында редактор, улук редактор, 1977-жылдан «Советская Киргизия» гезитинде адабият жана искусство бөлүмүнүн башчысы, 1973-жылдан Бишкек гуманитардык университетинде профессор. 300дөн ашык илимий эмгектин жана рецензиялардын, 5 илимий китептин автору. К. Баялинов, К. Акиев, С. Сасыкбаев, М. Гапаров, К. Жапаров, К. Сапарбаев, К. Осмоналиев, З. Сооронбаева, Д. Сулайманов жана башка жазуучулардын чыгармаларын орус тилине которгон.
Эмгектери.: Гуманизм и литература. Ф., 1972; Детская литература Киргизии. М., 1976; Современное и вечное. Ф., 1978; Завтрашние заботы. Ф., 1985; Детские литературы народов Средней Азии. Б., 1996.