ВАН –

ВАН – Байыркы Кытайдагы [Инь (б. з. ч. 16–11-кылым) жана Чжоу (б. з. ч. 11–3-кылым) доорундагы] өлкө башкаруучусун билдирген термин. Б. з. ч. 3-кылымдан Кытай башкаруучулары император (ди) титулун алгандан кийин, Ван титулу императордун жакынкы чөйрөсүнүн (үй-бүлөсү, туугандары ж. б.) жана ак сөөктөрүнүн сарайдагы өзгөчө абалын билдирип туруу үчүн ыйгарыла баштаган. Мындан сырткары байыркы мезгилде жана орто кылымдагы Кореядагы мамлекеттер менен княздыктардын башкаруучулары да Ван титулун алып жүрүшкөн.