ВАХТА

ВА́ХТА (нем. Wacht – кароол, сакчы) – 1) кемелерди согушка даярдыкта кармап туруу жана сүзүү коопсуздугун камсыз кылуу үчүн кораблдердеги, кемелердеги күзөттүн негизги түрү. Аскер кораблиндеги Вахта ж а л п ы к о р а б л д и к жана а т а й ы н болуп бөлүнөт. Ошондой эле күзөттүн нөөмөт өтөө мезгилинин ортосундагы аралык да Вахта деп аталып, анын узактыгы 6 саатты түзөт. Эӊ татаалы болуп 0.00дөн 4.00гө чейинки 1-түнкү Вахта саналат. Ошондон улам дүйнөнүн бардык флотторунда аны образдуу түрдө «ит» деп аташат. Өздүк курамды сменага бөлүштүрүү так расписание боюнча жүргүзүлөт. 2) Кораблдин (кеменин) өздүк курамынын бир бөлүгүнүн эскиче аталышы. 19-кылымга чейин кораблдин командасы экиге бөлүнүп, корпустун оӊ жагына биринчи, сол жагына экинчи Вахта жайгашчу.