ВЕГЕНЕР ГИПОТЕЗАСЫ

ВЕ́ГЕНЕР ГИПОТЕЗАСЫ – материктердин горизонталдык багытта жылышуусу жөнүндөгү илимий божомол. Ал боюнча граниттүү катмардан түзүлгөн материктер изостазиялык теӊсалмактуу абалда болуп, базальт катмарынын үстүндө «калкып» (оошуп) жүрөт. Гипотезаны 1912-жылы немис геофизиги – А. Вегенер сунуш кылган. Мобилизмдин биринчи гипотезасы. Ошондой эле к. Материктердин дрейфи, Тектоникалык гипотезалар, «Жаӊы глобалдык тектоника».