ВЕРЕСАЕВ

ВЕРЕСА́ЕВ (өз фамилиясы – С м и д о в и ч) Викентий Викентьевич [4 (16). 1.1867, Тула – 3.6.1945, Москва] – орус жазуучусу, котормочу, адабият таануучу, врач. СССР мамлекеттик сыйлыгынын лауреаты (1945). Петербург университетинин тарых-филология факультетин (1888), Дерпт университетинин медицина факультетин (1894) бүткөн. «Туюкта» (1895), «Лизар» (1899) аттуу аӊгемесинде, «Врачтын жазгандары» (1901), «Согуш жөнүндө аӊгемелер» (1906), «Турмушка карай» (1909) повесттеринде 19–20-кылымдардагы интеллигенциянын изденүүлөрү чагылдырылган. Ф. М. Достоевский, Л. Н. Толстой жөнүндө философиялык чыгармаларын жарыялаган. Октябрь революциясынан кийин «Эже-сиӊди» романын, А. С. Пушкин («Пушкин жөнүндө», 1926–27; «Пушкиндин сапарлаштары», 1936–37), Н. В. Гоголь жөнүндө эмгектерди жазган, ошондой эле бир катар антикалык авторлордун чыгармаларын которгон. Эмгек Кызыл Туу ордени менен сыйланган.