ГЕЗАРТ МӨӉГҮСҮ

ГЕЗАРТ МӨӉГҮСҮ – Кичи Алай кырка тоосунун түндүк капталындагы өрөөн тибиндеги ири мөӊгү. Узундугу 8,5 км, аянты 9,8 км². Араван-Сайдын сол курамы – Чили-Сайдын төрүндө. Мөӊгүнүн башы деӊиз деӊгээлинен 4900 м, этеги 3800 м бийиктикте жатат. Кар чегинин бийиктиги 4350 м. Абляция облусунун аянты 5,3 км². Көлөмү 0,83 км³. Мөӊгү 1914–63-жылдарда 1 кмге чегинген. Мөӊгүдөн Чили-Сай суусунун сол курамы – Гезарт башталат.