ГЕЛИООРНОТМО
ГЕЛИООРНОТМО – күн нурунун энергиясын турмуш-тиричиликке колдонууга ылайыктуу энергиянын башка түрүнө (мисалы, жылуулук, электр энергиясына) айландыруучу түзүлүш.
б – иштөө схемасы: 1– жалпак күн коллектору; 2 – аккумулятор;
3 – циркуляциялык насос.
Гелиоорнотмо концентратордуу ж-а концентраторсуз болуп бөлүнөт. Биринчиси күн радиациясынын тыгыздыгы жогорулагандагы энергияны гелиоконцентратордун жардамы м-н күчөтүп, экинчиси – табигый тыгыздыктагы күн нурун башка энергияга айландырат. Концентраторсуз Гелиоорнотмо сууну же абаны ысытууда, жашылча-жемишти ж-а материалдарды кургатууда, сууну тузсуздандырууда, электрэнергиясын алууда ж. б. максаттарда пайдаланылат. Концентратордуу Гелиоорнотмо «зыянсыздандыруучу» технологиялык шартта жогорку температураны
алуу үчүн кызмат кылат. Мындай Гелиоорнотмонун пайдалуу аракет коэффициенти 0,4–0,6. Күн нурун чогултуу үчүн параболалык, параболалыкка жакын ж-а парабола-цилиндрдик күзгүлөр колдонулат.