ГОМЕЛЬ

ГО́МЕЛЬ – Беларуссиянын түштүк-батышындагы шаар. Гомель облусунун административдик борбору. Сож дарыясындагы порт. Калкы 510,3 миӊ (2020). Темир жол тоому. Машина куруу (станок, айыл чарба машиналары, прибор ж. б.), металл иштетүү, жыгаччылык, химия, тамак-аш, жеӊил өнөр жай ишканалары иштейт. Беш ЖОЖ (анын ичинде университет), 2 театр (драма, куурчак), мекен таануу музейи бар. 1142-жылдан белгилүү. 1335-жылдан Литванын, 1589-жылдан Польшанын, 1772-жылдан Россия империясынын курамына кирген. Румянцевдер м-н Паскевичтердин классицизм стилиндеги сарайы (18-кылым), Ильинский чиркөөсү (18-кылымдын аягы; жыгачтан салынган), Пётр ж-а Павел собору паркы м-н (1809) сакталган.