ГРАФ

ГРАФ (нем. Graf, лат. comes, фр. comte, англ. earl) – эрте орто кылымдагы Батыш Европада король тарабынан графтыкты башкаруу кызматына дайындалган киши. Бара-бара Графтык кызмат мурасталуучу даражага айланган. Феодалдык бытырандылык тушунда Граф көз каранды эмес ири феодалдык, кийинчерээк Граф жогорку дворяндык титул болуп калган. Россияда Граф титулу Пётр Iнин тушунда (18-кылым) киргизилип, 1917-жылы жоюлган.