ДАВЛЯТОВ

ДАВЛЯТОВ Улукбек Рыскулович (4. 4. 1960-жылы туулган, Ош облусу, Өзгөн району, Кызыл-Маяк кыштагы) – техника илимдеринин доктору (2002). Москва авто­транспорт ж-а жолдор институтун (1984), ошол эле институттун аспирантурасын (1991) бүтүргөн. ФПИде, кийин И. Раззаков атындагы КТУда окутуучу, улук окутуучу, доцент, кафедра башчысы, кеч­ки ж-а сырттан окуу факультетинин деканы, аралык­тан окутуу борборунун директору болуп иште­ген. 2003-жылдан «Дастан» технологиялык университетинин ректору. Автоунааларды иштетүү ж-а аларды тоолуу шартта колдонуу жаатында адис. КРдин элге билим берүү отличниги (1995). 60тан ашык илимий эмгеги, анын ичинде 1 монографиясы жарык көргөн.

Эмг.: Борбордук Азия республикаларында автоунаа менен жүк ташууну өнүктүрүүнүн жолдору. Б., 2000; Автоунаалардын тоолуу шартта жүрүмдүүлүгүн анык­тоо жолдору. Б., 2001.