ДАКРИОЦИСТИТ

ДАКРИОЦИСТИ́Т (гр. dfkryon – жаш ж-а kestis – баштыкча) – көздүн жаш баштыкчасы­нын сезгениши. Жаш баштыкчасын мурун көӊдөйү м-н бириктирген жаш-мурун каналы­нын тарышынан жаш агып чыкпай, баштык­чада чогулуп, андан кийин чоюлуп чоӊоёт. Ал мурун бүтүүнүн, конъюнктивиттин кабылдоосу катары пайда болот. Көбүнчө өнөкөт түрүндө өтөт. Анда көздөн жаш агат, чылпак чыгат, көз­дүн жаш баштыкчасы шишийт, ал жерди басканда былжырлуу же ириӊдүү суюктук чыгат. Жаш баштыкчасында туруп калган жаш мик­робго каршы касиетин жоготкондуктан, жаш чо­гулган баштыкчада инфекциянын өрчүшүнө шарт түзүлөт. Көбүнчө чоӊ кишиде, ошондой эле ымыркайда да байкалат. Дакриоцистит хирургиялык жол м-н дарыланат.