ДАНИЛОВ
ДАНИ́ЛОВ Семён Петрович [7(20). 10. 1917, азыркы Якутия, Мытах наслеги – 27.11.1978, Якутск] – якут акыны. 1961-жылы СССР Жазуучулар союзунун алдындагы жогорку адабий курсту бүтүргөн (1957). Чыгармалары 1937-жылдан жарыялана баштаган. Д. «Аӊгемелер» (1945) «Менин мекеним» (1949), «Бейкут шаар» (1958), «Досумдун жүрөгү» (1960), «Алас жылдыздары» (1967), «Манчаранын акбоз аты» (1969), «Бүркүттүн бактысы» (1973), «Жер үнү» (1977), «Менин Алтын Казык жылдызым» (1980) ж. б. чыгармалардын автору. Ырларында өз элинин тагдыры жөнүндөгү лирикалык ой-толгоолорун камтыган. Бир нече ыр, поэмасы кыргыз тилине которулган. Данилов Кыргызстанда болуп, кыргыз элинин жетишкендиктери жөнүндө ырлар жазган. РСФСРдин М. Горький атындагы мамлекеттик сыйлыгынын лауреаты (1971). Эмгек Кызыл Туу ордени ж-а медалдар м-н сыйланган.