ДАӉГИ ОНИКС КЕНИ

ДАӉГИ О́НИКС КЕНИ – Ош облусунун Ноокат районундагы оникс кооз ташы жаткан жер. Ара­ван–Эски-Ноокат автомобиль жолунан 1,5 км чыгыш тарапта, Араван-Сай суусу Даӊги шаӊшаарына кошулган жерде. Кендеги мрамор оник­си шаӊшаардын боорунда линза ж-а туюк карст үӊкүрлөрүндө уюма кыртыш түрүндө. Линзалар­дын узундугу 5–8 м, калыӊдыгы 0,1–0,2 м. Түсү кыз­гылт, чанда жез сымал саргыч, жол-жол тем­гилдүү. Таш өтө кооз, блокторго жакшы бөлү­нөт. Көркөм кооз буюмдарды жасаса болот.