ДЕЗАКТИВАЦИЯ

ДЕЗАКТИВА́ЦИЯ (дез... лат. aktivus – ишкердүү, таасирлүү) – айлана-чөйрө объектилерин, адам м-н жаныбарларды ж-а түрдүү объектилерди (суу, биологиялык телолорду ж. б.) радиоактивдүү бул­гоочу заттардан арылтуу. Дезактивация үчүн түрдүү физикалык ж-а химиялык чаралар колдонулат. Адамдын организмин радиоактивдүү заттардан арылтуу үчүн айрым тамак-аш азыктары ж-а химиялык заттар колдону­лат. Чернобыль алааматында булганууга дуу­шар болгон аймакта көптөгөн Дезактивациялык иштер жүргүзүлгөндүгүнө карабай (эки жылга созул­ган), айрым жерлер жашоого жараксыз деп та­былган. Дезактивация толук ж-а жарым-жартылай болуп бөлүнөт. Кыргызстанда Барскондо (радиоактивдүү булгоо болбосо да) сууга төгүлгөн цианиддин таа­сирин кетирүү үчүн хлор колдонулган (к. Барс­кон кырсыгы).

Р. Осмонбекова.