ДЕЗАРГ ГЕОМЕТРИЯСЫ
ДЕЗА́РГ ГЕОМЕТРИЯСЫ , Д е з а р г м е й к и н д и г и н и н г е о м е т р и я с ы – геодезиялык геометрия; мында түз сызыктар геодезиялык сызыктардын ролун аткарат. R Дезарг мейкиндиги болуш үчүн: ар кандай эки чекит аркылуу өтүүчү геодезиялык сызыктын жалгыз гана болушу; dimR=2 болгондо, Дезарг теоремасынын же ага тескери теореманын орун алышы; dimR>2 болгондо, R мейкиндигинин ар кандай үч чекити бир тегиздикте жатышы зарыл ж-а жетиштүү. R мейкиндиги проекциялык мейкиндикке Pn чагылдырылганда, ал Pn мейкиндигин бүтүндөй жаап калат (бул учурда R мейкиндигинин ар бир геодезиялык сызыгы бирдей узундуктагы айланалар) же R айрым бир гипермейкиндиктин ачык томпок облусу катары каралат. Франциялык математик, архитектор ж-а инженер Ж. Дезарг негиздеген.