ДИКАМБАЕВ

ДИКАМБАЕВ Казы (1. 12. 1913-ж. т., Ысык-Көл облусу, Түп району, Талды-Суу айылы –16. 02. 2010, Бишкек) – мамлекеттик ж-а партиялык ишмер, КРдин эмгек сиңирген экономисти (1974). 1937-жылы Ташкент эл чарба институтун бүткөн. 1937–40-жылдарда Кыргыз ССР мамлекеттик пландоо комиссиясында экономист, Фрун­зе облпландын башчысы, Кыргыз ССР мамлекеттик пландоо башкармасынын орун басары, 1940–41- жылдарда Кыргыз ССР Эл Комиссарлар Советинин төра­гасынын орун басары, мамлекеттик текшерүү эл ко­миссары, 1944–48-жылдарда Кыргыз ССР тышкы иштер министри, 1948–49-жылдарда Кыргыз ССР Эл Комис­сарлар Советинин төрагасынын орун басары.

1949–51-жылдарда Кыргызстан КП БКга бюро мүчө ж-а өнөр жай, куру­луш, транспорт боюнча секре­тары, 1951–58-жылдарда партия­нын Фрунзе обкомунун 1- секретары, 1958–61-жылдарда Кыр­гыз ССР Министрлер Сове­тинин төрагасы, 1961–86-жылдарда Кыргыз ССР мамлекеттик пландоо комитетинин төрагасынын орун басары болуп иштеген. СССР Жогорку Советинин (2–5-чакырылышы­нын), Кыргыз ССР Жогорку Советинин (2–3-, 5-чакырылышынын) депутаты, 1951–55-жылдарда Кыр­гыз ССР Жогорку Советинин (3-чакырылы­шында) төрагасы. Эки Ленин, Эмгек Кызыл Туу, I даражадагы Ата Мекендик согуш, III (1997) ж-а I (2003) даражадагы Манас ордендери ж-а медалдар м-н сыйланган. Бишкек шаарынын ардак­туу атуулу (2003).