ДИОКЛЕТИАН

ДИОКЛЕТИА́Н Гай Аврелий Валерий (243, Диок­лея – 313- ж-а 316-жылдар аралыгы, Далмация) – Рим императору (284–305). Катардагы жоокер­ден аскердик жогорку кызматтарга чейин жет­кен. Император Нумериандын тушунда анын сакчыларын жетектеген, ал дүйнөдөн кайткан соң, император деп жарыяланган. Рим империя­сы экономикалык, социалдык ж-а саясий жактан начар­лаган учурда бийликке келип, императордук бийликти күчөткөн. Империяны чыңоо үчүн бир катар реформаларды жүргүзгөн: аскерлердин саны 450 миңге жетип, чек аралык коргонуу сис­темасы түзүлгөн; акча жүгүртүүнү жөнгө салган; империядагы бөлүп-жаруучулукту күч м-н бас­кан. Диоклетиан 305-жылы бийликтен ыктыяры м-н баш тарткан.