ДИОРАМА
ДИОРА́МА , д и о р а м а (грекче dif – өтмө аркылуу жана hjrama – көрүнүш, оюн) – живописти башка каражаттар менен толуктаган көркөм сүрөт өнөрүнүн түрү; алдыңкы планга нерселер (курулма, реалдуу жана бутафориялык буюмдар) коюлуп, жарым тегерек түрүндө айланта тартылган живопись. Сүрөт жука, арт жагы көрүнүп турган материалга тартылат. Багытты өзгөрткөн учурда жана жарыкты күчөткөндө ал өзгөрөт. Биринчи Диораманы 1822-жылы Парижде Л. Ж. Дагер түзгөн. Диорам театр-жасалга өнөрүндө колдонулат (көшөгө, сахнанын төрүндөгү жасалгалар, сүрөттөр). Панорама сыяктуу эле Диорам кеңири мейкиндик элесин берет жана көп учурда баталдык көрүнүштөрдү чагылдырат (мисалы, М. Б. Грековдун «Ростовду алуу», 1929; П. И. Жигимонттун сүрөттөрү, 1948 жана башкалар). Диорама чеберлерине Греков атындагы аскер сүрөтчүлөр студиясынын өкүлдөрү (П. Т. Мальцев жана башкалар; «Сапун-тоону алуу», 1959; М. И. Самсонов жана башкалар, «Перекопту алуу», 1961) кирет.
