ДИРИЖЁР

ДИРИЖЁР (французча diriger – багыттоо, башкаруу) – музыкалык чыгарма аткарып жаткан коллективди (ор­кестр, хор, ансамбль, опера жана балет труппа­сы) башкаруучу киши. Дирижёр репетицияларда даяр­доо жумуштарын жүргүзүп, спектакль менен кон­церттерде музыканын нота боюнча аткарылышын камсыз кылат. XVIII кылымда вокалдык же аспаптык капелланын Дирижёру капельмейстер, орустун чиркөө хорунун Дирижёру регент деп аталган. Хорду башка­руучу хор Дирижёру же хормейстер деп аталат, к. Ди­рижёрлук кылуу.

Дирижёр Асанкан Жумакматов кыргыз дирижёрлук искусствосунун өнүгүшүнө көп салым кошкон.