ДӨҢБАЕВ
ДӨҢБАЕВ Жеңиш (12. 07. 1945-жылы туулган, Талас району, Кең-Арал айылы) – спортчу, СССР спортунун эркин күрөш боюнча чебери (1967), эмгек сиңирген машыктыргыч (Кыргыз ССРнин, 1985; СССРдин, 1991), Кыргыз Республикасынын маданиятка эмгек сиңирген кызматкери (2002). Республиканын бир нече жолку, «Буревестник» спорт коомунун борбордук кеңеши м-н СССР профсоюздарынын 9-спартакиадасынын (1969) чемпиону. ФПИни бүтүргөн (1969). 1969–72-жылдары эркин күрөш боюнча СССР курама командасынын мүчөсү болгон. 1970–91- жылдары республиканын спорт мектептеринде күрөш боюнча машыктыргыч болуп эмгектенген. 1991–96-жылдары респликанын эркин күрөш боюнча улуттук курама командасынын улук машыктыргычы, 1996–99-жылдары аны жетектеген. 1999-жылдан адистештирилген «Олимпия резерви» мектебинин директору (күрөш ж-а бокс боюнча). Ал ондогон чебер балбандарды (К. Өмүралиев, Ч. Изабеков, Н. Изабеков, И. Тазабеков, М. Бобурбеков, А. Төрөгелдиев ж. б.) даярдап чыгарган.