ЖААК-ТАШ

ЖААК-ТАШ , Т а р а г а й – Жети-Өгүз р-нунда­гы суу, Чоң Нарындын оң курамы. Уз. 36 км, алабынын аянты 1173 км². Кум-Төр суусу м-н Ара-Бел суусунун кошулушунан пайда болот. Кум-Төр Петров мөңгүсүнөн башталат. Жогор­ку бөлүгүндө Жетим-Бел ж-а Ак-Шыйрак кыр­ка тоолорун бөлүп турган капчыгай аркылуу, андан чыкканда байыркы мореналуу түздүк м-н түш.-батышка карай агат. Түздүккө чык-

канда жай агып, салааларга бөлүнөт. Төмөнкү агымында бир нук м-н агып, босоголорду пайда кылат. Мөңгү, кар ж-а жаан-чачын сууларынан куралат. Жылдык орт. чыгымы 11,3 м³/сек. Июлда кирип, сентябрда тартыла баштайт.