ЖАЛГЫЗ-ӨРҮК НЕФРИТ КЕНИ

ЖАЛГЫЗ-ӨРҮК НЕФРИ́Т КЕНИ Жалал-Абад обл-нун Ала-Бука р-нунда, Каба кыш-нан 10 км түндүктө, Кан-Сай коктусунун башында жайгаш­кан. Кен аймагын таш көмүр мезгилинин баш­талышында пайда болгон акиташ тектери түзөт. Аларды гранит-диорит интрузиясы жиреп чык­кан. Акиташ тектери интрузия м-н кошулган жерлерде мраморлошуп, айрым жерде доломит­тешип калган. Бул зонада калыңдыгы 1 м, уз. 10 мге жеткен эпидозиттин тулкулары кезигет. О. эле мында, калыңдыгы 1 смге жеткен тарам­дар түрүндөгү нефрит бар. Нефрит ачык жашыл түстө. Андан асем буюмдарды жасоого болот.