ЖАРЛЫК

ЖАРЛЫК – хандардын жазуу жүзүндө берген буйругу. Мындан тышкары башка өлкөлөр м-н болгон мамилелерге байланыштуу дипл. кагаз­дар да Ж. деп аталган. Негизинен моңгол-татар хандарынан бери белгилүү болуп, алар орус княз­дыктарын басып алганда (к. Моңгол каратуу­лары), орустардын ишенимдүү улуу ж-а уделдик княздарына атайы Ж. берилген. Кийин Алтын Ордо, ал тараганда Крым, Казан, Астрахань хан­дыктарынын ички иштеринде да колдонулган.