ЖЫРГАЛАҢ

ЖЫРГАЛАҢ – Ысык-Көл обл-ндагы шаарча.
Адм.-айм. жактан Ак-Суу райондук кеңешине карайт. «Жыргалаң» шахтасынын ачылышы­на байланыштуу 1932-ж. негизделген. Ысык- Көл ойдуңунун чыгышында, Тескей Ала-Тоонун этегинде, Жыргалаң суусунун жогорку агымы­нын оң жээгинде, деңиз деңг. 2270 м бийикте жайгашкан. Облустун борбору Каракол ш-нан 70 км чыгыш тарапта. Балыкчы т. ж. бекети­нен 300 км. Калкы 1,0 миң (2009); калкынын негизин кыргыздар (54,3%), орустар (37,4%)

түзөт, о. эле башка улут өкүлдөрү да жашайт. Негизинен шахтада эмгектенет. Ө. ж. ишкана­сы, турмуш-тиричилик кызматынын бөлүмдөрү, соода түйүндөрү, тамактануу жайлары иштейт. Орто мектеп, ФАП, клуб, китепкана, оорукана бар.