ИРЛАНДИЯ 1

ИРЛА́НДИЯ – Британ архипелагындагы арал. Аянты 84 миң км². Атлантика океаны м-н чул­ганат, Улуу Британия а-нан Ирланд деңизи, Түн. ж-а Ыйык Георг кысыктары аркылуу бөлүнөт. Аралдын борб. бөлүгүн түздүк, чет жакаларын тоолор (бийикт. 1041 мге чейин), түн.-чыгышын Антрим платосу ээлейт. Негизги дарыясы – Шаннон. Көлү көп. Шалбаа, верещатниктер мүнөздүү. Аймагынын көп бөлүгүндө Ирландия мамл., түн.-чыгышында Улуу Британиянын бир бөлүгү – Түн. Ирландия (Ольстер) жайгашкан. Ири шаарлары: Дублин, Белерась.