ИЧКИ САЯСАТ
ИЧКИ САЯСАТ – саясаттын субъектилеринин (таптар, социалдык катмарлар, улуттар, партиялар, коомдук кыймылдар, саясий лидерлер) ортосундагы мамилелердин чөйрөсү. Бийликти жеңип алуу, кармап калуу ж-а пайдалануу – И. с-тын эң башкы маселеси. И. с-та мамлекеттин экон., саясий кубатына ж-а саясий лидердин харизмалык ж-а диний аброюна таянган бийлик структуралары аркылуу ишке ашырылат. Батыш өлкөлөрүндө И. с-ты улуттук саясат деп аташат. И. с-тын төмөндөгүдөй түрлөрү бар: социалдык, улуттук, маданий. И. с-тын негизинде тигил же бул принциптер (социалдык, адилеттүүлүк, этатизм, фундаментализм, эталитаризм) жатат. Ички саясий максаттарды ишке ашыруу тынчтык жолу м-н же зордук-зомбулук каражаттарын колдонуу м-н жүргүзүлүшү мүмкүн. Мамлекет бул учурда адатка ылайык, кеңири мүмкүнчүлүктөрдү пайдаланат: экон. рычагдар ж-а жеңилдиктер; жаңы жумушчу орундарын түзүүгө ж-а адистерди кайра даярдоого каражаттарды бөлүү жолу м-н калкты иш м-н камсыз кылууну жөнгө салуу; пропагандалык ж-а репрессиялык каражаттар; паспорттук, визалык, бажылык режим ж. б. И. с. маселелерди чечүү методдору коомдогу саясий бийликке мамлекеттин монополиясы м-н шартталат.