КАДАСТР
КАДА́СТР (фр. сadastre – системалаштыруу) – тийиштүү объектилер ж-а кубулуштар б-ча мезгил-мезгили м-н же болбосо үзгүлтүксүз байкоонун негизинде ырааттуу чогултулган маалымат жыйнагы. Табият-ресурстук блокко тийиштүү К-ларда объектинин орду, физ.-геогр. мүнөздөмөсү, классификациясы, изилдөө деңгээли, байкоонун узактыгы, динамикасы ж. б. б-ча маалыматтар камтылат. Мындай К-дын негизги элементи катары карталар пайдаланылат. Бүгүнкү күндө К-лардын көбүнүн маалымат базасы компьютердик каражаттарда түзүлөт. Табиятресурстук бөлүккө суу, климат, ландшафт, токой, геология, мед. география, минералдык ресурстар, өзгөчө коргоого алынган аймактар, рекреация, топурак, зыяндуу таштандыларды бөлүп чыгарган жерде жайгашкан булактар ж. б. К-лар кирет.