ВЕТЕРИНАРИЯ -САНИТАРИЯЛЫК ЭКСПЕРТТӨӨ (ВСЭ) барагынын баштапкы кодун көрүү

'''ВЕТЕРИНА&#769;РИЯ -САНИТАРИЯЛЫК ЭКСПЕРТТӨӨ (ВСЭ) '''– 1) тамак-аш продуктулары&shy;нын сапатын ж-а зыянсыздыгын аныктоо боюнча жүргүзүлүүчү изилдөөлөр ж-а чаралар комплек&shy;си. Аны эт-сүт, балык, айыл чарба мекемелеринде, ба&shy;зарларда, кушканаларда ветеринариялык кызмат ишке ашы&shy;рат. Малды соёрдо ж-а сойгондон кийин ылаң&shy;га диагноз коюу, эт, сүт, балык, жумуртка ж-а алардан жасалган продукцияларды гистологиялык, микробиологиялык, физикалык, химиялык ж. б. ыкмаларды кол&shy;донуу м-н лабораториялык анализ жүргүзүлөт. ВСЭнин не&shy;гизги маңызы – зооантропоноздук ж-а антро&shy;позооноздук жугуштуу ж-а мите ылаңдарынын тамак-аш, жем-чөп ж-а техникалык продукциялар ар&shy;кылуу адамга ж-а жаныбарга таралуусунун ал&shy;дын алуу. 2) Ветеринарияны тамак-аш продук&shy;туларын, өсүмдүк ж-а жаныбарлардан алын&shy;ган сырьёлорду изилдөө ыкмаларын ж-а ветеринариялык- санитардык баалоо принциптерин изилдөөчү бөлүмү. ВСЭ өз алдынча илим тармагы катары 20-кылымда калыптанган, бирок жаныбарлардан алынган кээ бир продуктулардын тамак-аш катары жа&shy;рактуулугун ж-а жараксыздыгын аныктоо 17-кылымдан баштап эле белгилүү болгон. ВСЭ мите ылаң&shy;дарда, лейкоздо, чочконун ж. б. жаныбардын сибирь кулгунасында; токсикоинфекцияда ж-а токсикоздо эттин, балыктын жаңылыгын ж-а ылаңдаган малдын этин тамак-ашка жарамдуу же жарамсыздыгын аныктоодогу химиялык ыкмалар&shy;ды; гистологиялык ыкма м-н эттин канча деңгээлде жа&shy;ңылыгын ж-а жетилгенин, радиоактивдүү зат&shy;тар ж-а иондук нурлар м-н продукциялардын бузулганын аныктоо; жаныбарлардан алынган кургак тоют продукцияларына ветеринариялык-санитардык баа берүү иш-чараларын ж-а ыкмаларын иштеп чыгат. 

''А. И. Иргашев.'' 
[[Category: 2-том, 500-554 бб]]