БАЙЫРКЫ ЧУСТ МЕТАЛЛ ӨНДҮРҮШҮ барагынын баштапкы кодун көрүү

[[Файл:Чуст.jpg|thumb|Белгилүү чуст бычактары]]
'''БАЙЫРКЫ ЧУСТ МЕТАЛЛ ӨНДҮРҮШҮ '''. - Фергана өрөөнүндө кен-байлыктардын молдугу металл өндүрүү жана андан буюмдарды жасоонун жогорку деңгээлде өнүгүшүнө мүмкүнчүлүк түзгөн. Фергананын Тентексай, Капыррават, Төө&shy;Моюн деген жерлеринен жез алынган. Болжолу, Чуст тургундары Чаткал тоо кыркасынын түш. этегинен, Гава дарыясынын өрөөнүнөн жезди казып алышкан. Өзгөчө Фергана тоо кыркасында калай кенинин болушу металл өндүрүүгө жак&shy;шы шарт түзгөн. Чуст жана Дальверзин эстелик&shy;теринен металл өндүрүүнүн кыйла деңгээлин чагылдырган металл уюткулары, шлак, татаал түзүлүштөгү кооздуктарды куюш үчүн даярдал&shy;ган таш калып табылган. Чуст маданиятына таан&shy;дык металл буюмдарынын көпчүлүгү колодон куюлган. Ошондой эле калай, мышьяк кошулган буюм&shy;дар да кездешет. Фергана өрөөнүндө колого коргошун, висмут, сурьма кошулуп даярдалган буюмдардын болушу мүнөздүү. Колодон эмгек шаймандары (орок, көзөөч, бычак жана башкалар), согуш&shy;тук куралдар (найзанын башы, жаанын жебе&shy;си), ат жабдыктар (ооздук жана анын төңөлүгү), кооздук жана тиричилик буюмдары (күзгү, шуру, асынып жүрүүчү кооздуктар) жасалган. Ошол эле учурда жерди иштетүү үчүн колдонулуучу таш кетмендер, орок сымал таш бычактар, жар&shy;гылчактар, кенташты (руданы) майдалоо үчүн пайдаланылуучу таш балкалар кездешкен, ошондой эле металл буюмдарды куюш үчүн чегип даярдалган калыптар, чопо идиштердин бетин жылма&shy;лоочу таштар, металл курчутуучу бүлөөлөр, чок&shy;мордун башы катары колдонулуучу таштар табылган.

''К. Табалдиев.'' 
[[Category: 2-том, 1-69 бб]]