БИ-БИ-СИ барагынын баштапкы кодун көрүү

'''БИ-БИ-СИ''' (ВВС – British Broadcasting Corporation – Бритиш Бродкастинг Корпорейшн) – дүйнөлүк радио уктуруу корпорациясы.1927-жылы Лондондо негизделип, Англия Өкмөтүнүн кон&shy;тролунда турат. Эл аралык маанидеги ири жана кеңири белгилүү бул корпорациянын иш-аракеттерине Улуу Британиянын королевасы та&shy;рабынан дайындалган Тескөөчү кеңеш жетек&shy;чилик жүргүзөт. Жалпы ишмердиги адегенде Англиянын Почталар министрлиги менен түзүлгөн эки тараптуу өз ара келишимдин негизинде баш&shy;талган. Алгач өз берүүлөрүн жергиликтүү угуучуларга гана багыттап келсе, 1932-жылдан ал маалыматтарды чет өлкөлүк англис тилдүү мамлекет&shy;терге да (Америка Кошмо Штаттары, Канада, Австралия, Жаңы Зе&shy;ландия, колониялык өлкөлөр жана башкалар) жайылт&shy;кан. 1936-жылдан теле көрсөтүүлөрдү да жүзөгө ашырган. XX кылымдын экинчи жарымында Би-Би- Си өз радио берүүлөрүн Советтер Союзу жана башка социалисттик өлкөлөргө өз элдеринин тилинде уктурган. 1965-жылы анын карамагында 16 миңге жакын адам иштеп, уктуруулары дүйнөнүн 35 тилинде жүргүзүлгөн болсо, азыр анда 20 миңге жакын кызматкерлер эмгектенип, берүүлөр 42 тилде 150 млндон ашык радио угуучуларды тейлейт. Би- Би-Синин Кыргыз кызматы расмий түрдө 1995-жылы Лондондо Борбдук Азия жана Кавказ секциясынын курамында ачылып, күн сайын жарым сааттык берүүлөрү кыргыз тилинде жүргүзүлүүдө. Биш&shy;кектеги Би-Би-Синин офиси 2005-жылы март айын&shy;да ачылып, анда кыргыз журналисттери эмгек&shy;тенет.

<p align='right'>''Т. Ишемкулов.'' </p>[[Category: 2-том, 146-225 бб]]