ДОН барагынын баштапкы кодун көрүү

'''ДОН''' (иран тилдеринде – «суу», «дарыя» маани&shy;синде; байыркы гр. Т а н а и с) – Россиянын европ. бөлүгү аркылуу аккан дарыя. Уз. 1870 ''км'', алабынын аянты 422 миң ''км''<sup>2</sup>. Орто Орус дөң&shy;сөөсүнөн башталып, Азов деңизинин Таганрог булуңуна куярда дельтаны (аянты 342 ''км''<sup>2</sup>ге че&shy;йин) пайда кылат. Д-дун өрөөнү кыйла аралык&shy;ка чейин Орто Орус дөңсөөсүнүн чыгыш тик чети аркылуу өтөт. Төмөнкү бөлүгүндө жер анча эң&shy;кейиш болбогондуктан, өтө жай агат. Негизги куймалары – Хопёр, Медведица, Сал (сол); Се&shy;верский Донец (оң). Орт. чыгымы 935 ''м''<sup>3</sup>/''сек''. Жогорку бөлүгүндө ноябрдын башынан апрел&shy;дин ортосуна чейин, төмөн жагында декабрдын башынан марттын аягына чейин муз тоңот. Д. – кеме жүрүүчү Волга–Дон каналы аркылуу Вол&shy;га д. м-н туташат. Дарыяга Цимлян ГЭСи ж-а
суу сактагычы, Николаев, Константинов, Ко&shy;четов гидротүйүндөрү курулган. Балык карма&shy;лат. Сосна д-нын чатынан баштап кеме жүрөт (1604 ''км''). Георгиу-Деж ш-нан тартып кеме
үзгүлтүксүз каттайт (1355 ''км''). Боюндагы негиз&shy;ги шаарлары: Георгиу-Деж, Калач-на-Дону, Вол&shy;годонск, Ростов-на-Дону, Азов. [[Категория:3-том, 86-170 бб]]