ИЧ КӨБҮҮ барагынын баштапкы кодун көрүү

<b type='title'>ИЧ КӨБҮҮ</b> , м е т е о р и з м – ичегилерде газ&shy;дын ашыкча чогулушу. Соо кишинин карыны м-н ичегисинде бир аз газ болот. Ал ичегинин тонусу ж-а жыйрылуусу үчүн керек. Газ карын&shy;га абаны көп жутканда келет ж-а ичегиде хим. реакциянын, ферменттик процесстердин неги&shy;зинде пайда болот. Газдын өлчөмү тамактын мүнөзүнө, кишинин кыймылына ж. б. фактор&shy;лорго байланыштуу. Углеводу көп тамак (буур&shy;чак, төө буурчак, кара нан ж. б.) м-н тамактан&shy;ганда дени соо кишилердин да ичи көбүшү мүмкүн. И. к. көп оорулардын (ич катуу, не&shy;вроз, колит, перитонит) белгиси болушу мүмкүн. Гастрит, панкреатит, холециститте да ич көбөт. Кишинин микроб флорасы нормасынан бузул&shy;ганда ичегиде ириңдөө ж-а ачуу процесси жүрүп, газдын бөлүнүшүн күчөтөт. Анда ич курулдайт, толгоп ооруйт, кекирет, ыктытып, газ чыккан&shy;дан кийин оору басылгансыйт, кээде ич өтөт, кайра катат. И. к-дө себебине жараша ар кан&shy;дай газ чыгаруучу дарыларды колдонуп, негиз&shy;ги ооруну дарылоо керек. Алдын алууда тамак&shy;тануу режимин сактоо, дене тарбия ж-а спорт&shy;ко катышуунун мааниси чоң. И. к. м а л д а – кепшөөчү малдын карынына же ичегисине жел толуп калуудан пайда болуучу ылаң. Көбүнчө уй ылаңдайт. Ылаң айрым учурда катуу кар&shy;майт, кээде өнөкөт түрүндө болот. Катуу карма&shy;ган түрү мал ачыган же бузулган тоют жегенде, кургак тоюттан чыктуу тоютка өткөндө, колдо багуудан жайытка чыгарылганда, өнөкөт түрү ичеги-карын, боор оорусунун таасиринен улам пайда болот. Тез пайда болгон жел карынды көптүрүп, анын иштешин бузат, ички кан та&shy;мырларды, диафрагманы кысып, малдын дем алышын, кан айланышын басаңдатат. Мал кеп&shy;шебей, чабалактайт, демигет. Убагында жардам көрсөтүлбөсө өлүмгө учурайт. Дарылоо: карын&shy;га жел чыгаруучу зонд киргизип, ич көптүрбөөчү дары (ихтиол, формалин ж. б.) куюу. Айрым оор учурда троакар м-н карынды тешип, жел
чыгарылат. Алдын алуу үчүн кепшөөчү малды тоюттандыруу эрежесин так сактоо зарыл.
[[Категория:3-том, 673-784 бб]]