ГЛИЦЕРИН барагынын баштапкы кодун көрүү

'''ГЛИЦЕРИ&#769;Н ''' (гр. glykerjs – таттуу), 1,2,3-т р и о к с и п р о п а н, СН<sub>2</sub>ОН – СНОН – СН<sub>2</sub>ОН – эӊ жөнөкөй үч атомдуу спирт. Мол. салмагы 92,09; таттуу, жытсыз, түссүз, илээшкек суюктук; эрүү t 17,9°С; кайноо t 290°С. Суу, этанол, метанол, ацетон м-н бардык катышта аралашат; майларда, ''бензинде, бензолдо'', хлороформдо ж-а эфирде эрибейт. Абадан нымды тартып алат. Г-ди суу м-н аралаштырганда жылуулук бөлүнүп чыгат. Суу эритмелери төмөнкү темп-раларда, мис., 66,7% Г-и бар аралашма –46°Сде тоӊот. Молекуласында үч ОН тобу болгондуктан, Г. өзүнүн үч катар туундуларын берет, моно- ж-а дитуундулары 2 структуралык изомер түрүндө болушу мүмкүн. Ал оор металлдардын оксиддери м-н аракеттенип, глицераттарды пайда кылат. Г. суутектүү галоген к-талары же фосфордун галогениддери м-н моно- же дигалогенгидриндерди, I<sub>2</sub> ж-а Р м-н 1,2,3-трииодпропанды, орг. эмес ж-а карбон к-талары м-н толук ж-а толук эмес татаал эфирлерди, дегидратациялоодо акролеинди пайда кылат. KМnO<sub>4</sub> ж-а K<sub>2</sub>Cr<sub>2</sub>O<sub>7 </sub>таасиринде СО<sub>2</sub> ж-а Н<sub>2</sub>О чейин кычкылданат. Г. карбон к-таларынын триглицериддери түрүндө жаратылыш майларынын курамында болот. Өнөр жайда пальмитин, стеарин ж-а олеин к-таларынын глицериддерин гидролиздөө реакциясы аркылуу алынат; пропиленден да синтезделет. Г. нитроглицеринди, жарылгыч заттарды, глифтал чайырларын, полиуретандарды, акролеин ж. б. алууда, кездеме, тери, кагазды жумшартыш үчүн, эмульгаторлордун, антифриздердин, өтүк майларынын, самын ж-а желимдин, парфюмериялык ж-а косметикалык каражаттардын, кондитердик азыктардын компоненти катары колдонулат. 
<br/>''Г. А. Батракеева.''
[[Category: 2-том]]