БҮТҮМ барагынын баштапкы кодун көрүү

'''БҮТҮМ ''' – 1) юрид. жак ж-а жеке адамдар ортосундагы укуктук мамилелерди‚ а. и. тышкы экон. ишмердик чөйрөсүндө чарбалык маселелерди түзүүгө багытталган иш-аракет. Бир жактуу чарбалык Б. (мураска‚ белекке‚ белгилүү бир иш-аракетке ишеним кат берүү) ж-а эки же андан көп жак катыша турган өз ара Б. (бул учурда ''келишим‚ контракт'' ж. б. түзүлөт) болот. Б. ''маркетингдин'' маанилүү түшүнүктөрүнүн бири болуп саналат‚ ал сатуу-сатып алуу ''актысынын'' түзүлүшүн аныктайт ж-а жок дегенде эки субъектинин кызыкчылыгын көздөйт‚ макулдашуунун шарттарын‚ мөөнөттөрүн ж-а ордун белгилейт. Маркетинг көз карашынан алганда Б-дөр ''товарды акчага'' алмашканда акча Б-ү‚ ''бартердик'' Б. ж-а ''компенсациялык'' Б. болуп бөлүнөт; 2) адабий же муз. чыгарманы же анын кандайдыр бир бөлүгүн корутундулоочу компоненти. Б-дүн түрлөрү көп: ''эпилог,'' мораль (тамсилде), клаузула (ырда, муз. чыгармаларда); 3) китептеги тексттин же анын бөлүмдөрүнүн аягын кооздоп турган сүрөт же оймо-чиймелүү графикалык композиция.
[[Category: 2-том]]