БОМАРШЕ барагынын баштапкы кодун көрүү

'''БОМАРШЕ ''' Пьер Огюстен Карон де (24. 1. 1732, Париж – 18. 5. 1799, ошол эле жер) – француз драматургу. «Евгения» (1767), «Эки дос» (1770) драмаларында өз заманындагы коомдук теӊсиздикти чагылдырган. Анын «Мемуарлары» (1773–74) – ошол кездеги сот ишин жүргүзүүдөгү адилетсиздикти аёосуз ашкерелеген сатиралык памфлет. Б-нин драмалык чыгармаларынын туу чокусу – «Севильялык чачтарач» (1775), «Фигаронун үйлөнүшү» (1784) аттуу комедиялары. Б. «Айыптуу эне» (1792) аттуу пьесасында өткүр сатирадан мелодрамага өткөн. «Севильялык чачтарач» комедиясына Ж. Россини (1816), «Фигаронун үйлөнүшү» комедиясына В. А. Моцарт (1786) опера жазып, дүйнөлүк театр сахналарында коюлууда.
<br/>
[[File:БОМАРШЕ2.png | thumb | <center>П. О. К. де Бомарше. Ж. М. Натьенин портреттик иши
<br/>(1755). Өздүк коллекция.</center>]]
[[Category: 2-том]]