КОСЯКОВ барагынын баштапкы кодун көрүү

'''КОСЯКОВ''' Михаил Александрович – (02. 09. 1903, [[Россия империясы]], Пермь губерниясы, Пермь уезди, Мотовилихинск заводу – 27. 06. 1981, [[СССР]], [[РСФСР]], Свердловск шаары) – Советтер Союзунун Баатыры (27. 02. 1945). Өз ыктыяры менен Жумушчу, Дыйкан Кызыл Армиясынын (РККА) катарына кирип, 1919–1921-жылдары Граждандык согушка катышкан. 1924-жылдан Омск шаарында темир жолдо иштеп, жумушчу факультетин аяктаган. 1925–1927-жылдары Кара деңиз флотунда деңиз истребителдеринин эскадрильясында кызмат өтөп, демобилизациялангандан кийин Пермь, Челябинск, [[Алма-Ата]] шаарларында жашаган. [[Улуу Ата Мекендик согуш]] башталар алдында [[Фрунзе шаары]]на көчүп келип, техник-курулушчу болуп иштеген. 1943-жылдын сентябрь айында М. Косяков кайрадан өз ыктыяры менен согушка жөнөгөн. Химиялык согуш инструкторлору үчүн кыска мөөнөттөгү курсту аяктагандан кийин 1945-жылдын январь айына чейин 1-Беларусь фронтунун 7-гвардиялык атчандар корпусунун 14-гвардиялык атчандар дивизиясынын 56-гвардиялык атчандар полкунун 1-эскадрильясында химиялык инструктор болуп кызмат өтөгөн. Висла-Одер чабуулу учурунда Лос айылын бошотууда М. Косяковдун тобу душмандын 50гө жакын солдатын жана офицерин жок кылып, дагы 30дан ашыгын туткунга алышкан. Мындай өзгөчө эрдиги үчүн СССР Жогорку Советинин Президиумунун 27. 02. 1945-жылы указы менен гвардиянын сержанты М. Косяковго Советтер Союзунун Баатыры (№ 5668) деген жогорку наам ыйгарылган. Согуш аяктагандан кийин көп өтпөй Фрунзе шаарына кайтып келип, нан жасоочу бирикменин дироектору болуп иштеген. Үй-бүлөлүк шартына ылайык Новосибирск шаарына көчүп кеткен. Свердловск (азыркы Екатеринбург) шаарында каза болуп, сөөгү Омск шаарына коюлган. Кызыл Жылдыз, Кызыл Туу, 3-даражадагы Даңк (14.05.1945) ж.б. орден, медалдар менен сыйланган.

Ад.: Алымкулов Н. А. Кыргызстанцы – герои Советского Союза и полные кавалеры Ордена Славы: новые факты, имена. Б., 2025.