«БУКАРА» СОЮЗУ барагынын баштапкы кодун көрүү

'''«БУКАРА» СОЮЗУ''' – Пишпек уездиндеги кыргыздардын кедей жана орто дыйкандарын бириктерген демократиялык уюму. 1917-жылдагы Февраль буржуазиялык-демократиялык революциясынан [кара: ''Февраль революциясы'' (1917)] кийин Россиянын карамагындагы бардык жерлерде коомдук-саясий уюмдар түзүлө баштаган. Мисалы, бул учурда Түркстан аймагында «Алаш», «Туран», «Шуро-Исламия», «Улема», «Иттифак» ж.б. сыяктуу отуздан ашык коомдук уюмдар жана партиялар уюшулган. Алардын бири Букара» союзу болуп, ал Имаш ''Көбөков,'' Бакретдин Саипбаев, Таш ''Кудайбергеновдордун'' демилгеси боюнча 1917-жылы май айында түзүлгөн. «Букара» союзунун программасы элдин таламын коргоону, кыргыз элинин революциячыл аӊ-сезимин көтөрүүнү, демократиялык негизде жана мыйзамдуулукка таянып, кыргыз коомчулугунун турмушун жөнгө салууну белгилеген. Союздун уюштуруу съезди 1917-жылы 9–10-сентябрда Пишпекте өтүп, анын башкармасынын төрагалыгына Казан университетинин юридикалык факультетинин студенти Кожомурат ''Сарыкулаков'', орун басарлыгына И. ''Көбөков'', Б. Саипбаев жана А. Барменов шайланган. Союздун алдында кооперациялык керек-жарак коому түзүлүп, ага 7159 адам мүчө болуп кирген. 1918-жылы ноябрда анын мүчөлөрүнүн саны 5 миӊге жетип, Түркстандагы эӊ ири коом болгон. «Букара» союзу большевиктердин жетекчилиги астында Кыргызстандын түндүгүндө Совет бийлигин орнотууда жана чыӊдоодо зор роль ойногон. Ал 1918-жылы май айында «Кыргыз пролетарларынын совети» болуп кайрадан түзүлгөн.

Ад.: Зорин А. Н. Революционное движение Киргизии. Фр., 1931.
[[Category: 2-том]]