БАНГИ барагынын баштапкы кодун көрүү

'''БАНГИ '''- Борбордук Африка Республикасынын борбор шаары. Өзүнчө административдик бирдикти түзөт. Калкы 542,4 миң (2005); Борбордук Африка Республикасынын шаар калкынын 40% жашайт. Өлкөнүн түштүгүндө, Убанги дарыясынын оң жээгинде жайгашкан. Жолдор тоому. Эл аралык аэропорту бар. Дарыя порту (Борбордук Африка Республикасынын сырткы соодасын ж-а бир аз Чад Республикасын тейлейт). 1989-жылы  Франция форту катары негизделген. 1914-58-ж. Франциянын колониясы Убанги- Шаринин административдик борбору. 1958-жылдан Автоно&shy;миялык Республика (Франция коомунун кура&shy;мында), 1960-жылдан көз каранды эмес мамле&shy;кеттин борбору. Борбордук бөлүгүндө өкмөттүк ж-а административдик, соода мекемелери, батышында соода квар&shy;талдары, түштүгүндө өнөр жай аймактары жайгашкан. Мурдагы Франция фортунун калдык&shy;тары, Кудай Эне собору (19-кылымдын аягы - 20-кылым&shy;дын башы) сакталган. Улуттук край таануу (1964), өлкөнүн өткөндөгү тарыхы, эстелиги, турмуш-тиричилик буюмдары, музыкалык аспаптар музейлери, Улуттук искусство ж-а кол өнөрчүлүк борбору (1975), университет (1969), 6 институт (анын ичинде политехникалык, айыл чарба), илим-изилдөө борборлору (Пастер атындагы, 1961, ж. б.) иштейт. Тамак-аш, жыгаччылык, жеңил (анын ичинде кебез-кездеме комбинаты), металл иштетүү, тамеки, самын кайнатуу өнөр жайлары бар. Мотоцикл ж-а велосипед чогултулат. [[Category: 2-том, 1-69 бб]]