БАНГКОК барагынын баштапкы кодун көрүү

'''БАНГКОК  '''''–'' Таиланд мамлекетинин борбор шаары. Калкы 6,7 млн (2005; агломерациясын&shy;да 9,0 млн). Түштүк Кытай деңизинин Сиам булу&shy;ңунан 30 ''км'', Чаупхрая (Менам дарыясынын куйма&shy;сы) боюнда жайгашкан. Өлкөнүн негизги деңиз

[[File:БАНГКОК66.png | thumb | Шаардын деңиз жак жээги.]]
жана дарыя порту (жылына 50 млн ''т'' жүк та&shy;шылат). Жолдор тоому. Эл аралык аэропорту бар.  XVI кылымдагы кыштактын ордуна 1782-жылы Пья Чакри (Рама I деген ат менен такка отурган) тара&shy;бынан негизделген. Тайлар Крунг- Тхеп («Периш&shy;телер шаары») деп аташкан.  XVIII кылымдын аягынан ири соода жана маданий бор&shy;борго айланган. Рама II (1809''–''1824) жана Рама III (1824''–''1851) бийликте турган мезгилде көптөгөн будда храмдары (ваттар), мектептер, китепка&shy;налар, ооруканалар жана каналдар курулган. Шаардын жаңы көрүнүшү Рама IV (1851''–''1868) жана Рама V Чулалонгкорндун (1868''–''1910) ту&shy;шунда түзүлгөн. Алар шаарды жашылданды&shy;рып, жолдор түйүнүн курдурткан. 1900-жылы 1-те&shy;мир жол ишке киришкен. Улуттук зодчийлик&shy;тин эстелиги болгон 400гө жакын монастырлар (ваттар) бар. Дарыянын оң жээгинде, Арун ва&shy;тында («Күн чыгыш» храмы) бийиктиги 74 ''м'' бол&shy;гон, фарфордун кесектери менен кооздолгон муна&shy;ра сыяктуу силуэт (ыйык Меру тоосунун өзү) ''–'' борбордун архитектуралык символу. Ал эми дарыя&shy;нын сол жээги ''–'' тарыхый бөлүгү (Раттанако&shy;син) королдор сарайын, храмдарды (анын ичинен Пхра&shy;кэу ваты же «Зымырыт будда» храмы, XV кылым) камтыйт. Чакри король династиясынын коло&shy;дон жасалган скульптуралары Пхракэу ватын&shy;да жайгашып, галереянын дубал тосмолору «Рамаяна» темасында кооздолгон. Пхо ватын&shy;да Будданын алтындын буусуна кармалган 45 метрлик (жаткан) статуясы (XIX кылым) бар. Пхут&shy;тхаисаван храмындагы алтарь Будданын коло&shy;дон жасалган скульптурасы (XIII кылым) жана дубал&shy;га тартылган живопись (XVIII кылым) менен кооздолгон. Ошондой эле XVIII''–''XIX кылымдардагы храм жана сарай курулушта&shy;ры, Чакри король сарай комплекси (Махапра&shy;сат, XVIII кылымдын башы - XX кылым), Сиамда монументалдык эстеликтер (король Чулалонгкорндун атка мингизилген) сакталган. Улуттар үйү (XX кылым), отеллдер, 20дан ашык илимий коомдук ассоциа&shy;циялар, илим-изилдөө институттар (анын ичинен Король институту, 1933, жана башкалар), улуттук китепкана, музейлер, XIX кылымдын турак-жайлары, сүрөт галереясы, улуттук театр, планетарий, зоопарк, парк бар. Ботаника бак экс&shy;позициясы уюшулган. Бангкокто - Азия оюндары (1966, 1978, 1998) өткөрүлүп турат. Бангкок ''–'' өлкөнүн финансы жана өнөр жай борбору. Нефть ажыр&shy;туу, жыгаччылык, химия, фармацевтика, электр&shy; техника, кагаз, металл иштетүү, күрүч актоочу өнөр жайлары иштейт. Автомобиль чогултулат. Кеме верфи бар. Көркөм кол өнөрчүлүк (күмүш, жыгач, карапа буюмдар) өнүккөн. 
[[Category: 2-том, 1-69 бб]]